【知唔知彌敦道依家最多係乜舖?】
彌敦道最多係乜?藥房?金行? 咁2022年12月,彌敦道最多係咩行業? 賣藥咪一千幾百生意仔;賣金最多咪一百幾十萬? 依家彌敦道賣最多嘅嘢,吓吓都億億聲。仲話經濟唔好?
今個月初,我幫呢84間吉舖做咗個紀錄,然後 Map 埋佢。旺角還好,重災區係尖沙嘴——栢麗購物大道半年前賣舖價錢重回98年水平;而呢個著名旅遊購物點,都竟出現賣砂煲罌罉/ USB線嘅臨時舖,而且生意非常好!
小統計: 1. 吉舖地點 a.尖沙嘴(佐敦道以南):37間 b.旺角(窩打老道以北):20間
2. 單一建築最多空置地鋪:栢麗購物大道
3.砂煲罌罉/ USB線/特賣場比便利店多:彌敦道附近有好多便利店,但大部分係附近橫街/商場/地鐵站內。真正係彌敦道地舖的只有7間。但臨時特賣場卻有20間左右。
4. 南行線吉舖比北行線多,因為北行較多公共設施及商場。南行較多傳統地舖。
*本作品於明報《星期日生活》(12.25)發表。

Comentarios